今朝由6點至8點,Mo少已經嘈醒左我3次,咁即係表示佢已經冇咩唔舒服喇!  <-- 我zzz

11點半去左睇醫生(Dr. N),諗住幫佢做下body check....... 照左X光,驗左血同尿,打左皮下水,一如所料,因為飲得唔夠水,有Hydration既情況出現,血同尿都幾"杰",可幸既係,佢既肝,腎等功能正常,係膀胱有幾多"minerals",醫生話可能係遺傳,未必關diet事......
而家要做既係,畀多d水份畀佢,所以呢個星期,要每日吊100毫升皮下水,每次需時10分鐘左右...... 打針對我黎講就唔算大問題(雖然好耐冇打過,但有少少緊張!) 最大既問題係,吊皮下水既時候,要兔地成十分鐘唔郁,都有點難度呀!

2個半鐘即時知驗血驗尿同X-ray既報告,真係好快! 我仲係等照x-ray既時候買左包有花花既草同埋買左舊咬咬木畀Mo少,佢好可憐呀,抽血時好驚,驚到尿尿呀!

返到屋企幾個鐘喇,佢食左菜菜,去左廁所(有尿有屎),不過都仲係唔飲水! 兔地而家zzzz中!

P.S. Liane, can you give your email address to me? Thanks!
      Mine: candy_lwy@hotmail.com

今日Mo少照舊5點9嘈醒左我,問我攞早餐,到八點左右,又咬欄要出黎玩...... 結果嘈醒左魚先生,畀左早餐同埋陪佢玩左陣,到12點,我起身時,見到佢冇咩精神咁坐左係度,畀菜菜同糧佢都唔肯食,一睇就知佢唔多妥,仲有佢想匿係平時唔去既地方,就更加唔妥!

打左去搵獸醫,要聽朝11點半先有時間睇,今日full晒喇,餵佢飲左d水,估計都係膀胱痛,好似上次咁所以唔食野,唔飲水..... 見佢屙左少少尿,不過有泥係尿度,同埋屙左一粒屎,肚肚冇漲,但好明顯佢係唔多舒服咁...... 希望Mo少快d食番野啦! :(

P.S. Mo少係5:41食左2條菜菜,精神番d,仲開始四圍行下,似乎好左d
       6:00 食多左幾條菜芯苗,同埋lam身?!
       6:05 屙左十幾粒細細粒既屎屎,仲未有尿尿